376.000 fólk vilja boykotta Føroyar sum ferðamál

Fyri eini viku síðani fóru umhvørvisfelagsskapir undir eina nýggja herferð fyri at fáa ferðafólkaskip at boykotta Føroyar. 

Endamálið er at trýsta Føroyar at gevast við at drepa grind.

Átakið kom í kjalarvørrinum á grindini, sum doyði í Havn, meðan eitt útlendskt ferðafólkaskip lá á Havnini.

64 úr Føroyum skrivað undir

Nú hava 376.000 fólk skrivað undir upp á at boykotta Føroyar sum ferðamál.

Tað skrivar Dimma.fo og VP.fo, sum hevur tíðindini frá EuroNews. 

Stigtakararnir siga, at 64 av teimum, ið hava skrivað undir, eru úr Føroyum.

Endamálið hjá teimum er at fáa 500.000 fólk at skriva undir.