- Tíðindi, mentan og ítróttur
Útoyggjar evni í tingsetunnar fyrsta fyrispurningi
Útoyggjar evni í tingsetunnar fyrsta fyrispurningi
Hanna Jensen, løgtingskvinna, spyr floksfelagan Bjarna K. Petersen, landsstýrismann í lógarmálum, hvørjar ábøtur, hann heldur eru mest átrokandi fyri kor og trivnað í útoyggj
Hanna Jensen spyr, hvussu landsstýrismaðurin í lógarmálum ætlar at raðfesta útoyggjarmál í arbeiðinum hjá landsstýrinum, og nær nýtt álit um menningarætlan fyri útoyggjar verður gjørt.
Mynd: Savnsmynd
02.08.2023 - 08:13
Útoyggjarnar eru evnið í fyrsta grein 52a fyrispurninginum í hesari tingsetuni.
Fyrispurningurin kom í gjár.
Hanna Jensen spyr floksfelagan Bjarna K. Petersen, landsstýrismann í lógarmálum, hvørjar ábøtur, hann heldur eru mest átrokandi fyri kor og trivnað í útoyggj.
Hon spyr, hvussu landsstýrismaðurin ætlar at raðfesta útoyggjarmál í arbeiðinum hjá landsstýrinum, og nær nýtt álit um menningarætlan fyri útoyggjar verður gjørt.
Skal svara seinasta lagi 12. august
Hanna Jensen vísir á, at í samgonguskjalinum eru nøkur mál um útoyggjarnar.
Men hon nevnir eisini átøkini, sum Útoyggjafelagið kom við á seinasta aðalfundi.
Bjarni Kárason Petersen skal svara í seinasta lagi 12.august.
Fyri einum góðum mánaði síðani frættist annars, at Hanna Jensen gavst í løgtinginum og fór aftur í starvið sum rektari á Kambsdali tann 1.august.
Hanna Jensen er í løgtinginum fyri Framsókn.
Er kopiera
Nýggjastu sendingar í ÚV
Nýggjastu sendingar í SV
