Trump ákærdur fyri svik og samansvørjing

Fyrrverandi amerikanski forsetin Donald Trump varð í gjár ákærdur fyri fýra ymisk lógarbrot í sambandi við, at hann í 2020 royndi at tileinkisgera úrslitið av forsetavalinum, sum hann tapti móti Joe Biden. 

Donald Trump

Donald Trump er nú ákærdur fyri: 

• at hava staðið fyri eini samansvørjing, sum hevði til endamáls at fremja svik móti USA
• at hava staðið fyri eini samansvørjing, sum hevði til endamáls at forða eini almennari sak
• at forða og royna at forða fyri eini almennari proseduru
• og fyri at standa fyri eini samansvørjing móti rættindum

Í hesum sambandi er hann millum annað eisini ákærdur fyri at hava roynt at ávirka vitnir.

Jack Smith

Tað kom fram, tá ákæruritið móti Donald Trump bleiv alment í gjár.

Tað er serligi ákærin Jack Smith, sum hevur reist ákærurnar móti Trump.

Jack Smith

Jack Smith stendur á odda fyri kanningini av Donald Trump vegna amerikanska løgmálaráðið.

Í ákæruritinum verður sagt, at Donald Trump var "avgjørdur um at halda fast í valdinum" og "breiddi út lygnir" um, at hann hevði vunnið valið, hetta í eini roynd at broyta valúrslitið.

Hesi uppáhaldini vóru følsk, og tað visti Donald Trump eisini, verður sagt í ákæruritinum.

Donald Trump

Donald Trump skal nú møta í rættinum í Washington D.C. í morgin.

Tað er ikki vist, hvussu langa tíð rættarmálið fer at taka, og um tað endar áðrenn forsetavalið í november 2024.