Klipp í koyrikortið fyri at brúka handhildna telefon

Nú skal tað geva klipp í koyrikortið og harðari revsting at tosa í handhildnari telefon, meðan tú koyrir bil. 

Hetta er ein broyting í ferðslulógini, sum landsstýrið ætlar at biðja løgtingið gera, sambært Dennis Holm, landsstýrismaður í ferðslumálum. 

Umframt at geva klipp í koyrikortið, so verður revsingin eisni harðari, 1.500 krónur í sekt í staðin fyri 1.000 krónur sum nú.

Skeið skal eisini fevna um rúsevni

Ein onnur broyting verður, at skeiðið um rúsdrekka og ferðslu eisini skal umfata rúsevni. 

Fólk, sum missa koyrikortið, tí tey hava koyrt ávirkað, skulu taka skeið um rúsdrekka og ferðslu, tá tey taka koyrikortið aftur.

Rúsevnir, Hassj og bilkoyring

Hetta skal nú eisini vera galdandi fyri fólk, sum missa koyrikortið, tí tey hava koyrt ávirkað av rúsevnum.

Greiðari reglur um elrikin rennihjól skulu eisini gerast.

20220325_el_rennihjolini_aftur_aa_havnargoetur_0006.jpg

Føroya rættur hevur sagt, at elrennihjól hava ikki rætt til at koyra á almennum vegi, men uppskot er um, at greiðari reglur skulu gerast um hetta í ferðslulógini.