BankNordik-samtakið 162 milliónir krónur í avlopi

BankNordik-samtakið hevði 162 milliónir krónur í avlopi fyri skatt fyrra hálvár.

Rentuhækkingar, stór inflatión og búskaparlig óvissa settu dám á hálvárið.

Men hálvársroknskapurin hjá samtakinum ber samstundis boð um, at húsarhaldini og vinnan sum heild eru væl fyri og hava mótstøðuføri móti rentuhækkingum og stóra inflatiónstrýstinum.

- Hóast vit enn ikki síggja tekin um, at fíggjarstøðan hjá okkara kundum er undir stórvegis trýsti, so er eyðsæð, at vit enn ikki hava sæð allar avleiðingarnar av búskaparligu óvissuni, sum hevur sermerkt bæði 2022 og 2023, sigur Turið F. Arge, forstjóri. 

- Vit hava tí eisini valt at seta pening av til møguligt tap, sum kann fara at vísa seg í framtíðini, sigur hon.

BankNordik

Niðurskrivingar fyri 119 mió. kr. 

Tølini hjá BankNordik samtakinum siga, at rakstrarúrslitið fyri niðurskrivingar var 119 milliónir krónur í fyrra hálvári.

Niðurskrivingar á útlánum vóru afturførdar fyri 16 milliónir.

Útlánini hjá bankanum eru 8,7 milliardir krónur, realkredittlánini 2,6 milliardir og innlánini eru 8,4 milliardir krónur.

Leiðslan væntar, at nettoúrslitið í ár verður millum 235 og 265 milliónir krónur.