Óhepnar laksamyndir á netinum

Bakkafrost hevur gjørt alt í Skotlandi fyri at tryggja seg móti, at kópur sleppur í aliringarnar. 

Sterkari nótir eru á ringunum, sum kópurin ikki fær bitið hol á, og einum verjugarði á umleið tveir metrar er settur á ringarnar, sum kópurin ikki fær kastað seg uppum. 

Regin Jacobsen, Skambitin laksur

Men hóast tað, so ferðast myndir av skambitnum laksum í aliringi hjá Bakkafrost í Skottlandi á netinum í løtuni. 

Regin Jacobsen

Regin Jacobsen, stjórin í føroysku alifyritøkuni, er ógvuliga bilsin um tilburðin.

Hann afturvísir ikki, at talan kann vera um herverk, og at onkur hevur sett hol á nótina fyri at lova kópinum inn.

Skambitin laksur

Bakkafrost er í støðugum sambandi við skotsku myndugleikarnir um trygdina í alibrúkunum, og enn er eingin atfinning komin frá myndugleikunum, tá ræður um tilburðin við skabitnu laksunum.

Kópur størri trupulleiki í Føroyum

Stjórin í Bakkafrosti heldur, at trupulleikin við kópi er størri í Føroyum, enn hann er í Skottlandi. 

"Eg haldi, at kópastovnurin í Føroyum er eksploderaður," sigur Regin Jacobsen. 

Bakkafrost, Skambitin laksur

Bakkafrost fer komandi tíðina at tryggja aliringarnar í Føroyum líka so væl sum í Skottlandi, við at seta sama slag av nótum og verju upp her, so kópurin ikki fær kastað seg uppum.

Eins og í Skottlandi er kópurin eisini friðaður í Føroyum.