Miðflokkurin: Norðurlandahúsið skal yvirtakast

Tingmenn Miðfloksins, Jenis av Rana og Steffan Klein Poulsen, hava uppskot til samtyktar um at fáa landsstýrið at kanna møguleikarnar fyri at yvirtaka Norðurlandahúsið.

Løgtingið 2023, Jenis av Rana, Steffan Klein Poulsen, MIðflokkurin

Orsøkin til uppskotið er, siga teir báðir tingmennir, at onnur Norðurlond brúka Norðurlandahúsið til at ávirka grundleggjandi mentan og virði í Føroyum, sum føroyingar sjálvir eiga at sleppa at mynda.

Norðurlandahúsið verður javnan brúkt til at ávirka børn, ung og vaksin í djúpt politiskum spurningum, sum løgtingið hevur felt, ikki hevur tikið støðu til, ella føroyingar eru tvíbýttir í.

Faroe Pride 2022

Ynskja ikki at NLH skal flagga við Pride-flagginum

Sterkasta symbolið og tað mest ítøkiliga, sum lýsir júst hetta, er, tá Norðurlandahúsið eina ferð um árið tekur føroyska flaggið niður, fyri síðani at vinda Pride-flaggið á stong. 

Faroe Pride 2022

Norðurlendska ráðharraráðið letur 14,4 milliónir krónur um árið til at reka Norðurlandahúsið.

Landsstýrið letur 1,7 millión krónur, og inntøkurnar hjá Norðurlandahúsinum annars eru slakar 8,8 milliónir krónur.

Hetta eru tøl fyri 2022.

(Myndir: Bjarni Árting Rubeksen)