Miðflokkurin: Føroyska sendistovan í Ísrael skal liggja í Jerusalem

Miðflokkurin vil framvegis hava føroysku sendistovuna í Ísrael í Jerusalem.

Steffan Klein Poulsen og Jenis av Rana hava lagt fram uppskot til samtyktar um, at landsstýrið kannar fyrimunir og vansar við at hava sendistovuna í Jerusalem.

Sendistovan er í Tel Aviv. 

Hon byrjaði um ársskiftið 2020/21 og var alment latin upp 23. juni í fjør.

Steffan Klein Poulsen og Jenis av Rana siga, at onnur lond - teir nevna USA, Guatemala, Honduras og Kosovo - hava sendistovu í Jerusalem.

Teir siga, at tað var ein neyðemja at staðseta føroysku sendistovuna í Tel Aviv.