Hanna Jensen farin í farloyvi úr tinginum

Hanna Jensen úr Framsókn er nú farin í farloyvi úr tinginum.

Hennari síðsti dagur í tinginum á hesum sinni var í gjár, tá ið ólavsøkurøða løgmans varð til umrøðu. 

Hanna Jensen boðaði seinast í juni frá, at hon fór úr landspolitikki fyri at taka við aftur rektarastarvinum á Miðnámi á Kambsdali, sum hon hevði verið í farloyvi frá.

Hon segði tá, at hon fór, tí hon noyddist at velja millum tvey størv, sum henni dámdi líka væl.

Hanna Jensen var sera atfinningarsom, tá ið løgtingið viðgjørdi uppskotið um at geva landsstýrinum víðkaðar heimildir at seta í verk tiltøk móti Russlandi.