Una deknur í samfull 40 ár

Fyrst hátíðarhalda nólsoyingar, at tann 2. august vóru 160 ár liðin síðani kirkjan á Tanganum varð vígd.

Og harnæst verður hátíðarhildið, at deknurin, Una Hansen, hevur verið kirkjutænari í samfull 40 ár. Hon er deknur.

Fyri tað fær hon ærumedalju frá drotningini fyri trúgva tænastu, og hana fer Jógvan Fríðriksson, biskupur, undir gudstænastuni at handa henni.

Eftir gudstænastuna, sum verður send her í útvarpinum nú klokkan 12, eru øll boðin til døgurða í Royndarhúsinum.