Mál um grovan harðskap fyri í Føroya rætti í morgin

Tríggir rættardagar eru settir av í Føroya rætti til málið um fýra ungir menn, sum eru ákærdir fyri grovan harðskap.

Talan er um fýra ákærur og fýra órættaðar menn.

Sambært ákæruritinum vóru tvær hendingar 23.apríl og tvær 14.mai í ár í náttarlívinum í miðbýnum í Havn.

Tann eini er ákærdur í øllum fýra málum. Hann er eisini ákærdur fyri at hótta vitni og fyri herverk.

Hann er í varðhaldi.

Allir fýra hava higartil noktað seg sekar.

Av tí, at menninir eru ákærdir fyri harðskap fyrr, er kravið um revsing hert.