536 næmingar byrja í Glasi hetta skúlaárið

Fyrsti skúladagur var á Glasi í gjár, tá 536 næmingar høvdu sín fyrsta skúladag.

360 næmingar byrja í gymnasialum miðnámi, á búskaparbreyt, hugbreyt, náttúrubreyt, fyrireikingarbreyt ella skapandi fyrireikingarbreyt.

170 næmingar byrja á yrkisbreyt, bilbreyt, elbreyt, smiðju-og maskinbreyt, timburbreyt, hárbreyt ella klædnaatstøði.

Seks næmingar byrja á serbreytini.

1500 næmingar eru í Glasi hetta skúlaárið. 

Glasir og ÍSF samstarva um rørsluskeið í nøkrum ítróttagreinum.