Kollfirðingar umhugsa at fara úr Tórshavnar kommunu

Nógvir kollfirðingar umhugsa at fara úr Tórshavnar kommunu.

Teir siga, at kommunan ger alt ov lítið fyri at útvega grundstykki í bygdini. Bara 22 í hesi øldini. Úrslitið er, at ungar  familjur flyta, og í ár vera bara trý børn fødd í Kollafirði, á Oyrareingjum og Signabø.

Tony Weyhe úr Kollafirði sigur, at støðan er vanlukkulig, og tí má Kollafjørður úr kommununi, um býráðið ikki leggur á annan bógv.

Heðin Mortensen, borgarstjóri, og Niels á Reynatúgvu, sum býr í Kollafirði, kjakaðust um støðuna í Kollafirði í Breddanum fyrrapartin.

Heðin Mortensen, 16:9

Heðin Mortensen, borgarstjóri í Tórshavnar kommunu. (Mynd: Bjarni Árting Rubeksen)

Niels á Reynatúgvu, 16:9

Niels á Reynatúgvu býr í Kollafirði. (Mynd: Bjarni Árting Rubeksen)

Festarar trupulleikin

Heðin Mortensen segði, at tað eru festarar, sum eru ein partur av trupulleikanum, at kommunan ikki hevur kunnað útstykkjað.

Men hesum vísti Niels á Reynatúgvu aftur. 

Kollfirðingar hava boðað til borgarafund týsdagin í næstu viku at viðgera støðuna.

Men Heðin Mortensen, borgarstjóri og formaður í staðbundnu nevndini, ivast í, um hann fer á fundin.

Niels á Reynatúgvu sigur, at fundurin verður hildin kortini.

Hoyr innslag í útvarpstíðindunum: 

Allur Breddin kann hoyrast her.