Skulu tryggja sær loyvi frammanundan

Tað er ólógligt at selja upplivingar í haga uttan samtykki frá høgunum, sigur Føroya Óðalsfelag.

Tíbetur kenna flestu fyriskiparar lógirnar og vilja tryggja, at tiltakið hjá teimum eydnast væl. Tí gera teir sjálvandi greiðar skrivligar avtalur við hagarnar frammanundan, skrivar Óðalsfelagið.

Tað er ikki í lagi bara at ringja sama dag og siga, at «Tiltakið verður».

Fyriskiparar skulu, sambært lóg, tryggja sær samtykki frammanundan frá øllum teim hagapørtum, har farið verður.

Avtala um hetta skal fáast í lag fyri tiltakið, tí tað eru hagarnir og bara hagarnir sum hava ræðisrættin, vísir Føroya Óðalsfelag á.