Juni góður mánaður hjá gistingarhúsunum

Juni mánaður í ár var góður hjá føroysku gistingarhúsunum.

Tá var nýtslustigið 97,1 prosent.

Men í juli fór tað niður í 80,4 prosent.

Sløk 15.600 fólk skrivaðu seg inn í gistingarhús í juni og 15.200 í juli.

Persónsgistinætur

Persónsgistinæturnar í juli vóru 31.400 í Tórshavnarøkinum og 4.700 úti um landið.

Persónsgistinætur siga, hvussu nógv fólk, og hvussu leingi fólk gista. Um 10 fólk gista triggjar nætur, eru tað 30 persónsgistinætur.

Í fjør var juni eisini betri enn juli. 

Í juni var nýtslustigið sløk 81 prosent, meðan tað var 77,5 prosent í juli í fjør.