Rigga til at skjóta hval

Fólk hjá partafelagnum Hvali í Íslandi rigga nú til at fara at skjóta hval 1.september.

Felagið hevur tveir hvalabátar.

Teir fara at skjóta nebbafiskar sunnanfyri og vestan fyri Ísland.

Hvalabátarnir fara út nú, so teir eru klárir at byrja fríggjamorgunin.

Hvalaveiðan skuldi byrja í juni, men dagin fyri, hon skuldi byrja, boðaði Svandís Svavarsdóttir, matvøruráðharri, frá, at nebbafiskaveiðan byrjaði ikki fyrr enn 1.september.   

Kristján Lofts­son, stjóri í Hvali, sigur við Morgunblaðið, at til ber at skjóta hval í september.

Eftir tað verður ov myrkt.