Jenis formaður í Útnorðurráðnum

Jenis av Rana verður formaður í Útnorðurráðnum næsta árið.

Kim Kielsen úr Grønlandi verður fyrri næstformaður, og Steinunn Tóra Árnadóttir úr Íslandi verður seinna næstforkvinna.

Útnorðurráðið hevur sín 39. ársfund í Reykjavík í hesum døgum.

Ráðið viðger millum annað ferðavinnu, sjálvbjargni í matframleiðslu, ung í Útnorðri, hvalaveiðu, veðurlagsbroytingar, Arktis og samstarv yvirhøvur. 

Og á fyrsta sinni bjóðar ráðið almenninginum til tiltak í Norðurlandahúsinum í Reykjavík.

Evnið á tí tiltakinum er samstarv í útnorðri.

Høgni Hoydal, Vivian Motzfeldt

Mánadagin hittust Thordís Kolbrún Gylfadóttir, uttanríkisráðharri, og landsstýrisfólkini í uttanríkismálum, Vivian Motzfeldt og Høgni Hoydal 

Tey tosaðu um samhandilin og avbjóðingar í ferðavinnuni, og tey fegnaðust um, at granskingarstovnarnir í teimum trimum londunum hava undirritað samstarvsavtalur.

Høgni Hoydal heldur, at vit eiga at hava toppfund, har stjórnarleiðararnir í Útnorði undirrita eina yvirlýsing um tættari samstarv millum stjórnina og landsstýrini í Útnorði.