Fountain House gerst veruleiki í Føroyum

Rannvá Egholm
rannva@roddin.fo

Stutt eftir, at tónleikarin, Rasmus Rasmussen, doyði í fjør, tóku nøkur fólk stig til at seta á stovn eitt Fountain hús í Føroyum, ið er ætlað sálarsjúkum fólki. Áðrenn hetta hevði tað verið nógv frammi, at tørvur var á slíkum húsi, og eftir deyða Rasmusar kom ordiliga glið á arbeiðið. Ein vælgerðagrunnur varð settur á stovn í Rasmusar navni, og tann 20. oktober 2012 var eitt stórt stuðulstiltak fyri Fountain House Føroyar grunninum og minniskonsert samstundis í Sjónleikarhúsinum.

- Í dag kunnu vit alment boða frá, at landið hevur valt at geva 2 milliónir til at seta eitt Fountain House á stovn í Føroyum. Sær út til, at Fountain House gerst veruleiki í 2014, skrivar grunnurin á sínari Facebook síðu í dag