Havnarstongsil ávirkar fíggjarætlan hjá Runavíkar kommunu

Tað ávirkar fíggjarætlanina hjá Runavíkar kommunu fyri næsta ár, at russisk skip ikki sleppa í føroyskar havnir.

Metingin vísir, at kommunan fer at hava 25,5 mió. kr. minni til íløgur enn væntað, tá fíggjarætlanin fyri 2023 var gjørd.

Fyribils fíggjarkarmurin fyri 2024, sum var samtyktur á býraðsfundi í Runavík í gjár, er 266 mió. kr.

Í ár er fíggjarætlanin 270 mió. krónur.

Síðan 1. januar 2015, tá kommunurnar fingu eldraøkið, til 31.desember í ár, eru farnar stívar 114 mió. krónur úr kommunukassanum aftrat afturberingini úr landskassanum, til at fíggja eldraøkið.