Krevur endurgjald fyri at sita í varðhaldi í eitt ár

Føroya rættur fer í morgin at viðgera endurgjaldskrav frá einum manni, sum var í varðhaldi í eitt ár fyri at smugla knappliga eitt kilo av amfetamini til Føroya.

Men maðurin, sum er dani, var frídømdur í einum nevningatingi í Føroya rætti fyri góðum tveimum árum síðani.

Endurgjaldskravið hjá honum er 805.000 kr., millum annað hálv millión fyri mista arbeiðsinntøku.

Vístu kravinum aftur

Bæði statsadvokaturin og ríkisadvokaturin vístu kravinum aftur.

Tí er tað nú endað í rættinum.

Endurgjald verður ikki latið uttan nakað, um tann, sum krevur endurgjaldið, sjálv ella sjálvur er atvoldin til, at rætturin dømdi varðhaldsfongsling.

Hóast Føroya rættur dømdi mannin í varðhald í eitt ár, verður hann ikki mettur at vera ógegningur at viðgera endurgjaldskravið.