Ukrainski verjumálaráðharrin leggur frá sær

Ukrainski verjumálaráðharrin, Oleksii Reznikov, hevur biðið um at verða loystur úr starvi.

Tað skrivar Reuter, sum endurgevur sosiala miðilin, X.

- Tað hevur verið ein heiður at tænt ukrainska fólkinum og at arbeiða fyri ukrainska herin seinastu 22 mánaðirnar, sum hevur verið tann strævnasta í Ukraina í nýggjari tíð, skrivar Reznikov á X, sum var betur kent sum Twitter.

Reznikov hevur verið verjumálaráðharri síðani 2021. Hann hevur biðið um at verða loystur úr starvi, tí Zelenskij, forseti, hevur boðað frá, at ætlanin er at tilnevna annan verjumálaráðharra.

Zelenskij helt røðu í nátt, okkara tíð, og tá segði hann, at "tørvur er á nýggjari tilgongd í verjumálaráðnum," sum hann málbar seg.