Vilja yvirtaka Norðurlandahúsið

Seinnapartin fæst at vita, hvussu áhugin er í løgtinginum fyri at yvirtaka Norðurlandahúsið.

Uppskot til samtyktar hjá Miðflokkinum um at yvirtaka Norðurlandahúsið er á skránni fyri tingfundin í dag.

Eitt annað uppskot hjá flokkinum er eisini á skránni. Flokkurin vil hava landsstýrið at kanna fyrimunir og vansar við at staðseta sendistovu Føroya í Ísrael í Jerusalem.

Fyrsti skrivligi fyrispurningurin

Tingið fer í dag eisini at atkvøða um fyrsta skrivliga fyrispurning í hesari tingsetuni.

Elsebeth Mercedis Gunnleygsdóttir spyr enn einaferð Høgna Hoydal, landsstýrismann, hvat hann hevur gjørt fyri at fáa gongd á oljuleiting í føroyska økinum.

Hon spurdi um tað sama í februar í ár.