- Tíðindi, mentan og ítróttur
Góðan morgun Føroyar
Filadelafia í Havn hátíðarheldur 50 ár
20-09-2023
Grøðing, Heilagi Andin og tungutala fylla framvegis nógv í hvítusunnusamkomuni, sum hevur hildið til á Landavegi 22 í havn í 50 ár.
- Sum í himli so á jørð. Tað er tað, tað snýr seg um.
Orðini eigur Tummas Jacobsen, sum er partur av leiðslubólkinum í Filadelfia.
Hvítusunnusamkoman, sum byrjaði í Føroyum 1972, kundi tann 16. september í ár hátíðarhalda, at tey í 50 ár hava hildið til á Landavegi 22 í Havn.
Í morgunsendingini hyggja Marner við Skipá, Ása Olsen og Tummas Jacobsen aftur á hesi 50 árini hjá samkomuni.
Góðan morgun Føroyar
Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri.
Samband: gmf@kvf.fo, telefonnummar +298 347500