Klaksvíkar bókasavn letur upp barnastovu

Í næstum fer Klaksvíkar bókasavn at lata eina barnastovu upp, har børn hava rásarúm at spæla og lesa. Eisini er pláss gjørt til, at børnini kunnu eta matpakka í barnastovuni.

Hetta er serliga ætlað børnum undir skúlaaldri, sum antin kunnu koma við foreldrum ella við barnagarðinum at vitja. Tað sigur Annika Egholm, sum er býarbókavørður á bókasavninum.

Eftir ætlan verður barnastovan opin frá klokkan 10 til 17.

Barnastovan fer at halda til í gomlu kunningarstovuni, sum stendur við síðuna av bókasavninum. Meiningin er at byggja eina gongd, sum bindur bygningarnar saman.