- Tíðindi, mentan og ítróttur
Góðan morgun Føroyar
12 viðurskifti sum kunnu økja um vandan fyri at fáa demens
26-09-2023
Altjóða Alzheimersfelagið hevur í ár valt at seta sjóneykuna á vandafaktorar og fyribyrging av demensi
Á altjóða Alzheimersdegnum 21. septembur var sjóneykan sett á vandafaktorar og fyribyrging, tá talan er um demens.
Gransking vísir, at tað serliga eru 12 ymiskir vandafaktorar, har vit hava størsta vinning, tá hugsað verður um fyribyrging.
Hesir eru:
- Likamligur inaktivitetur
- Hoyritrupulleikar, sum ikki verður gjørt nakað við
- Ov høgt blóðtrýst
- Stór yvirvekt
- Depressión fyrr ella nú
- Royking dagliga
- Sukursjuka (diabetes)
- Lágt útbúgvingarstøði
- Upplivd sosial isolatión
- Heilaskaði aftaná óhapp
- Stór nýtsla av alkohol
- Luftdálking
Fýra teir ovastu standa fyri 64 % av samlaðu fyribyrgingar møguleikunum.
Donsk gransking vísir, at tað ber til at minka um tilburðirnar av demensi, um tað verður sett fyribyrging inn á hesar vandafaktorarnar.
Góðan morgun Føroyar
Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri.
Samband: gmf@kvf.fo, telefonnummar +298 347500