Rúna Hoydal Brimnes vann snarrøðukappingina á Vísindavøkuni í ár. Heitið á framløguni var "Nýggj vindorka, nýggir møguleikar". Rúna hevur skrivað sína bachelor ritgerð í samstarvi við Umhvørvisstovuna, og tað var hesa gransking hon lýsti.

Kappingin snýr seg í stuttum um at leggja fram innihaldið á einari plakat. Tiltakið verður skipað soleiðis, at nakrir granskarar eftir tørni hava hvør sína stutta framløgu, sum skal vera:

- 150 sekund munnlig framseting
- við eini mynd á vegginum, sum er avrit av sjálvari plakatini og
- uttan kjak og spurningar úr salinum

Morgunsendingin prátaði við Rúnu um kappingina og hennara gransking. Hoyr samrøðuna við at trýsta á pílin omanfyri.

(kelda: gransking.fo)