Kunnu vera í verkfalli í hálvt annað til tvey ár

Sjúkrarøktarfrøðingarnir hava ongan skund at fara aftur til arbeiðis, nú felag teirra hevur lýst umfatandi verkfall á øllum trimum sjúkrahúsunum frá mánamorgni 2. oktober klokkan átta.

Óluva í Gong, forkvinna, sigur, at verkfallið kann gerast ein trupulleiki hjá landsmyndugleikunum, tí sjúkrarøktarfrøðingarnir hava ráð at vera í verkfalli í hálvt annað til tvey ár, og neyðugt er ikki við fíggjarligum stuðli frá øðum.

Hon sigur, at sjúkrarøktarfrøðingarnir hava í samráðingartilgongdin víst á fleiri loysnir, men mótparturin hevur ikki flutt seg, og ti er verkfallið eitt neyðugt stig. Og felagið hevur fullan stuðul frá álitisfólkunum, sigur hon.

Hoyr samrøðu, sum Elin Winther Poulsen gjørdi við Óluvu í Gong í útvarpstíðindunum klokkan 15: