Svínoyingar: Styttri farleið ella undirsjóvartunnil

Strandfaraskipini skulu endurnýggjast, og á Svínoyar- og Fugloyarleiðini er ætlanin at byggja eina nýggja ferju fyri 52 ára gomlu Rituna.

Men svínoyingar, sum vit hava tosa við í dag, vilja hava munandi betri samband enn bara eitt nýtt strandfaraskip.

Tey vilja hava styttri farleið ella undirsjóvartunnil.

Dennis Holm, landsstýrismaður í samferðslumálum, skuldi vera í Svínoy í dag og kunna fólk um nýggju ætlanirnar á farleiðini, men fundurin er avlýstur - fyri aðru ferð.