- Tíðindi, mentan og ítróttur
Eingin stovnur at fyribyrgja bankakreppur
<div>Landsbankastjórin ávarar tinglimir ímóti at atkvøða fyri ætlanini hjá landsstýrinum at avtaka Landsbanka Føroya og flyta uppgávurnar til aðrar stovnar at røkja.</div><div><br></div><div>- Verður uppskotið samtykt, hava Føroyar ikki longur ein stovn, sum hevur til endamáls at avmarka og fyribyrgja bankakreppur, ljóðar ávaringin frá Sigurdi Poulsen í brævi til allar løgtingslimir.</div><div><br></div><div>Vanliga verður mett, at ein hoyringarfreist, sum er 14 dagar, til týðandi lógaruppskot er í styttra lagi. Men so er ikki, tá talan er um lógaruppskotið um at avtaka Landsbanka Føroya og flyta uppgávurnar aðrastaðnis.</div><div><br></div><div><b>Hevur svarað</b></div><div><br></div><div>Landsbankastjórin fekk lógaruppskotini til hoyringar, samstundis sum tey vórðu løgd fyri tingið, við svarfreist 10.oktober - eina lítla viku eftir, at fíggjarlógin hevur verið til 1.viðgerð.</div><div><br></div><div>Sigurd Poulsen hevur tó longu svarað. Hoyringarsvarið er ein stór ávaring til Føroya Løgting um ikki at taka undir við ætlanini hjá landsstýrinum at avtaka Landsbankan.</div><div><br></div><div>- Uppgávan at tryggja fíggjarligt støðufesti verður við avtøku av landsbankalógini strikað, ljóðar ávaringin frá Sigurdi Poulsen, sum vísir á, at við eini avtøku hevur eingin føroyskur samfelagsstovnur uppgávuna at tryggja fíggjarligt støðufesti.</div><div><br></div><div>- Hetta er ein álvarsligur trupulleiki, sum Fíggjarmálaráðið als ikki hevur fyrihildið seg til í lógartilgongdini, skrivar Sigurd Poulsen.</div><div><br></div><div><b>Landsbankin avmarkað skaðan</b></div><div><br></div><div>Í sínum hoyringarsvari vísir landsbankastjórin á fleiri dømi, har Landsbankin hevur ein týðandi leiklut í samfelagnum. Eitt nú seinastu bankakreppu, sum byrjaði við útlánsvøkstrinum í 2006 og 2007.</div><div><br></div><div>- Landsbankin fekk undir seinastu kreppuni í ávísan mun avmarkað samfelagsliga skaðan, millum annað við at halda stóran part av gjaldførinum hjá landinum uttan fyri føroyska bankakervið. Við hesum eydnaðist at tryggja, at hesin peningur ikki varð nýttur til framhaldandi útlánsvøkstur, og at tryggja, at tað almenna bert í avmarkaðan mun beinleiðis varð drigið inn í tapini, sum stóðust av kreppurakta EIK-bankanum, skrivar landsbankastjórin.</div><div><br></div><div><b>Almennu Føroyar skuldu bjargað Eik</b></div><div><br></div><div>Um bjargingina av Eik Banka vísir Sigurd Poulsen á, at tað eydnaðist at skipa bjargingina soleiðis, at hon ikki hevði við sær beinleiðis útreiðslur fyri føroyska skattgjaldaran og verri rating-úrslit fyri landið. </div><div> </div><div>- Landsbankin hevði í hesum sambandi ein virknan leiklut og helt fast við, at møguleikarnir í sonevndu bankapakkunum, sum skipaðir vóru við fólkatingslóggávu, skuldu troytast. Hetta, hóast danskir myndugleikar løgdu trýst á fíggjarmálaráðharran og landsbankan um, at almennu Føroyar enn eina ferð áttu at fíggja bankabjargingina, skrivar landsbankastjórin.</div><div><br></div><div><b>Ivast í óheftni</b></div><div><br></div><div>Sigurd Poulsen setir eisini stórt spurnartekin við, um leisturin hjá landsstýrinum tryggjar óheftni viðvíkjandi roknskaparhaldi landsins.</div><div><br></div><div>- Óheftni, skipað eftir leistinum hjá landsstýrinum, er munin veikari, enn tað, sum er galdandi ídag í lógarverkinum fyri landsbankan, metir landsbankastjórin.</div><div><br></div><div>Hoyringarsvarið hjá Sigurdi Poulsen er dagfest 3. oktober, og latið øllum tinglimum undan 1.viðgerð av fíggjarlógini, sum byrjaði fyrrapartin.</div><div><br></div><div><b>Sí alt skrivið frá landsbankastjóranum</b> <a target="_blank" href="http://www.logting.fo/files/casewrittenproposal/62/02.12%20Vidmerkingar%...
