Tá hugsað verður um stórar boksarar gjøgnum tíðina, koma nøvn fram sum Mike Tyson, Joe Louis, Sugar Ray Leonard og Muhammed Ali, sum eisini átti kendu orðini: "Float like a butterfly, sting like a bee. The hands can't hit what the eyes can't see." Men hvussu er lívsstílurin hjá einum boksara, og hvat skal til fyri at røkka teimum høgu tindunum? Ein, sum hevur stórar ætlanir innan boksing í Føroyum, og longu nú kann vísa á fleiri góð úrslit, er Teitur Annand.

Teitur er bert 19 ára gamal, men hann hevur longu gjørt vart við seg uttanlands við fleiri góðum úrslitum. Men tað kemur ikki av sær sjálvum. Longu áðrenn Teitur fer í skúla, hevur hann sum oftast verið ein rennitúr. Aftaná skúlatíð venur hann boksing, og viðhvørt tekur hann eisini eina eyka venjing, áðrenn hann fer í song. Hetta ger hann, so hann kann vera í so góðum formi sum gjørligt og altíð er til reiðar at fara í ringin.

Hoyr alla samrøðuna, sum Teitur gjørdi við morgunsendingina, við at trýsta á pílin omanfyri.