Lótu doyvandi evni í glasið

Tríggjar kvinnur hava boðað politinum frá, at tær hava verið fyri kynsligum ágangi, eftir at onkur hevur latið doyvandi evni í glas teirra.

Hetta slagið av brotsverki verður nevnt "drugrape" á enskum.

Politiið vil ikki siga so nógv um málini, meðan tey vera kannað.

Politiið vil til dømis ikki siga, hvar hendingarnar vóru, annað enn, at tær vóru í Havn.

Handsrpitt stolið

Í gjár fekk politiið fráboðan um, at nakrir dunkar av handspritti vóru stolnir í tveimum røktarheimum í Havn.

Í øðrum førinum er ein maður tikin og skuldsettur.

Poliitiið kannar nú, um hann eisini kann skuldsetast fyri hin stuldurin.