Lúsaklipp skulu fylgja laksinum

Nú skulu lúsaklippini fylgja laksinum, sum verður fluttur millum alibrúk.

Ætlanin er at broyta kunngerðina um laksalús.

Landsdjóralæknin kann loyva, at laksur verður fluttur. 

Tað skal skiljast soleiðis, at hava teljingar ella heilivágsviðgerðir givið til dømis tvey klipp, meðan fiskurin var í einari alistøð, og hann so fær seks klipp aftrat, eftir at hann er fluttur í aðra alistøð, hevur hann átta klipp.

Hann fer tí í bólk tvey við alibrúkum.

Talið á smoltum í hesum alistøðum kann tí ikki økjast í komandi setu. 

Uppskotið um hesa broyting í lúsakunngerðini er sent til hoyringar.