Verkfallið hert í dag

Klokkan átta var verkfallið hjá sjúkrarøktarfrøðingunum víðkað til at umfata ambulatoriini á Suðuroyar sjúkrahúsi og á Klaksvíkar sjúkrahúsi.

Tað er nú galdandi fyri allar sjúkrarøktarfrøðingar, deildarleiðarar/funktiónsleiðarar ognvaraleiðarar/toymisleiðarar, sum arbeiða á almennum kirurgiskum, ortopediskum, urologiskum og svøvn ambulatorium á Klaksvíkar sjúkrahúsi, umframt á kardiologiskari starvsstovu, pínuklinikk og ambulantum virksemi á skurðgongini á Suðuroyar Sjúkrahúsi.

Hoyr samrøðu, sum Sára Jógvansdóttir gjørdi við Gunnbjørg Guttesen, virkandi stjóra á Suðuroyar sjúkrahúsi, í útvarpstíðindunum:

Semingsstovnurin eftirmetir

Semingsstovnurin hevði í gjár fund við Lønardeildina hjá Fíggjarmálaráðnum

Partarnir vóru fámæltir eftir fundin.

- Vit fara nú at eftirmeta tað, sum vit hava fingið burturúr, segði Terje Sigurðsson, semingsmaður, í stuttari viðmerking.

Felagið Føroyskir Sjúkrarøktarfrøðingar fór í verkfall mánadagin 2. oktobur.