- Tíðindi, mentan og ítróttur
Vísindavøka – fyrilestrar
Noomi Oddmarsdóttir Gregersen er verkætlanarleiðari fyri FarGen. Hon hevur ph.d. í mýlskari lívfrøði frá Aarhus Universiteti.
Noomi Oddmarsdóttir Gregersen fer í framløguni at greiða frá FarGen 2 verkætlanini, sum savnar inn tilfar og fær kanningar í lag, ið skulu menna persónlagað medisin í Føroyum. Í framløguni verður dentur serliga lagdur á fyrstu úrslitini frá biokemisku kanningunum.
Vísindavøka – fyrilestrar
Á hvørjum ári skipa Granskingarráðið og granskingarstovnarnir í Føroyum fyri Vísindavøku. Endamálið er at økja um áhugan fyri gransking og fyri granskingarúrslitum í samfelagnum.
Tiltakið er er sprottið úr átakinum European Researchers’ Night, sum hvørt ár verður fyriskipað seinasta fríggjakvøld í september og í døgunum frammanundan. Tiltakið verður hildið í býum kring alt Europa.
Við Vísindavøkuni ynskja Granskingarráðið og stovnarnir at skapa øktan kunnleika til og áhuga fyri tí, sum fer fram innan føroyska granskingarheimin.
