Renn fyri lívi: Nýggj app

17-10-2023

Tí skulu øll, sum eru skrásett í gomlu appini, taka nýggju appina niður og broyta loynitalið við innritan.

Í gott og væl trý ár hevur appin "Renn fyri lívi" verið virkin í Føroyum. Hesa tíðina hevur hon verið við til at bjarga mongum lívum.

Nú er tíðin tó komin til nakrar dagføringar:

Knattstøðan verður ikki víst í fuglalinju meira, men eftir koyrivegnum.
Um tú kemur til siga ja til eitt útkall, men ikki kanst fara avstað, kanst tú fara inn og strika títt svar. Boðini fara tá til næsta neyðhjálpara.
Nú kanst tú gera eitt royndar útkall fyri at kanna, hvussu boðini eru, og um appin er virkin.
Til eitt útkall kanst tú boða frá, um tú ert við bili ella til gongu. Eisini kanst tú boða frá, um tú hevur ein hjartastartara hjá tær. Hevur tú ein hjartastartara, so verður tú tikin í útkallið beinanvegin ístaðin fyri at fara ein umveg fyri at heinta ein hjartastartara.

Eisini eru fleiri aðrar nýggjar funkur.

Aftaná 18. oktobur 2023 verður gamla appin ikki brúkt meira, og til jólar verður gamla appin endaliga sløkt og kemur ikki aftur.

Nýggja appin eitur FirstAED LTS.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri.

Samband: gmf@kvf.fo, telefonnummar +298 347500