Kristiliga sangkórið 70 ár

19-10-2023

At syngja í kóri er nakað heilt annað enn at syngja einsamøll, eru Harriet Poulsen og Gunnleyg Maria Arge á einum máli um

Líkamikið hvussu lagið er, tá tú fert til sangvenjing, ert tú altíð glað aftaná. Tað sigur Harriet Poulsen, forkvinna. Gunnleyg Maria Arge, skrivari, fegnast eisini um møguleikan at kunna syngja saman og lovprísa Harranum.

25. november verður jubileumskonsert í Finsen í Havn. Tá er ætlanin, at so nógv sum gjørligt, ið hava sungið í kórinum, vera við.

Fimm leygardagar verða brúktir til venjingar í sambandi við konsertina.

Áhugað kunnu senda teldupost á adressuna: gm_arge@yahoo.dk

Nýggir limir eru vælkomnir í kórið, leggja tær báðar aftrat.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri.

Samband: gmf@kvf.fo, telefonnummar +298 347500