Samd um loysn fyri badmintonhøllina

Fíggjarnevndin í Klaksvíkar býráð viðger málið í kvøld, og í næstu viku kemur tað fyri býráðið

Ein loysn er funnin fyri badmintonhøllina í Klaksvík, men Gunvá við Keldu, borgarstjóri, vil einki upplýsa, fyrr enn býráðið hevur viðgjørt málið.

Jákup Bogi Joensen

Johnsigurd Johannesen

03.10.2012 - 09:45

<div>Í kvøld fer fíggjarnevndin í Klaksvíkar býráð at umrøða loysnina, sum umboð fyri Klaksvíkar býráð og leiðsluna í Norðoya Sparikassa komu ásamt um í farnu viku um framtíðarstøðuna hjá badmintonhøllini í Klaksvík.</div><div><br></div><div>Gunvá við Keldu, borgarstjóri í Klaksvík, vil tó enn ikki siga, hvør loysnin er, sum arbeitt hevur verið við. Hon vil ikki gera viðmerkingar, fyrr enn málið er lagt fyri fíggjarnevndina í kvøld og fyri býráðið á býráðsfundi týsdagin. </div><div><br></div><div><b>Fíggjarliga sperdir</b></div><div><br></div><div>Badmintonfelagið er so fíggjarliga spert, at tað fær ikki endarnar at røkka saman. Samlaða skuldin í badmintonhøllini er slakar 10,5 milliónir krónur. </div><div><br></div><div>Ítróttarliga virksemið í badmintonfelagnum er flutt í annað felag. Upprunafelagið vónar, at Klaksvíkar kommuna og Norðoya Sparikassi í felag finna eina loysn - eina sanering av skuldini - so felagið megnar at reka høllina víðari. </div><div><br></div><div><br></div><div><br></div>