Børnini í Føroyum nógv smædnari enn í Kenja

24-10-2023

Tað er ungdómstoymið í Kringvarpinum, Biit, ið stendur fyri heimildarfilminum, Ein annar veruleiki, sum verður vístur í sjónvarpinum í kvøld

Fyri níggju árum síðani flutti Angel Nashami úr Kenja til Føroya. Hon byrjaði í 5. flokki í Eysturskúlanum í Havn.

Tað var ein ógvuliga stór broyting, ásannar hon. Málið var ein avbjóðing, men tað vísti seg eisini at vera trupult at koma í samband við børnini. Tey vóru als ikki líka opin sum børnini í Kenja.

Í Eysturskúlanum komu Angel Nashami og Anna Joensen-Næs at kennast. Tær blivu góðar vinkonur.

Fyri hálvum øðrum árum síðani fór Anna við Angel til Kenja at síggja og uppliva landið, har Angel er uppvaksin.

Burturúr ferðini kom heimildarfilmurin, Ein annar veruleiki.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri.

Samband: gmf@kvf.fo, telefonnummar +298 347500