Løgmaður á fund í Norðurlandaráðnum

Løgmaður verður á árliga ársfundinum hjá Norðurlandaráðnum í Oslo, sum byrjar í dag og endar hósdagin.

Allir átta norðurlendsku stjórnarleiðararnir eru við á toppfundinum í Oslo. Visión 2030 hjá Norðurlondum er, at londini saman skulu standa sterk og sameind.

Á fundinum fara stjórnarleiðarnir eitt nú at umrøða, hvussu farast skal fram viðvíkjandi vitlíki, ið mennist við rúkandi ferð, umframt veðurlagsátøk og  veðurlagsráðstevnuna COP 28, sum verður í Dubai síðst í november.

Hesin ársfundurin er nummar 75 í røðini.

Hesaferð verður høvuðsevnið “Grøn, trygg og ung Norðurlond".

Røður og kjak á fundinum taka støði í evnum sum grøn umlegging og luttøkan hjá ungum í fólkaræðnum.

Løgmaður fer at halda røðu seinnapartin í morgin, skrivar Løgmansskrivstovan.