Vanlukkan í Miðvági fyri 100 árum síðani

Men vanlukkan kundi verið nógv verri, tí tveir menn framdu roysni og bjargaðu fleiri øðrum monnum, sum vóru í havsneyð.

25 mans úr Miðvági vóru farnir til útróðrar hendan dagin við sjey ymiskum bátum. Tað var kavi, men gott veður, tá ið teir fóru um morgunin. Men klokkan 11 brast hann á við kavastormi upp í 30 metrar um sekundið. Teir fóru beinanvegin at rógva til lands, men allir bóru ikki boð í bý.

Vanlukkan kundi tó verið nógv verri. Tveir av monnunum framdu nevniliga eitt roysni og bjargaðu fleiri øðrum monnum.

Við minnisvarðan í Miðvági er steinur við nøvnunum á teimum, sum fórust henda lagnudagin fyri júst hundrað árum síðani.

Teir báðir, sum gjørdu roysni, fingu seinni heiðursløn fyri bjargingina.