- Tíðindi, mentan og ítróttur
Minni játtan fer at raka tænastuna hjá Strandferðsluni
Minni játtan fer at raka tænastuna hjá Strandferðsluni
Rakstrarjáttanin í fíggjarlógaruppskotinum er 10 milliónir minni enn væntað, og tí kann roknast við, at siglingin verður skerd, sigur strandferðslustjórin
Við minni játtan á fíggjarlógini lækkar tænastustigið hjá Strandferðsluni, sigur stjórin. (Savnsmynd)
17.11.2023 - 13:17
Rakstrarjáttanin á fíggjarlógini til Strandferðsluna er alt ov lítil, og verður einki gjørt, verður neyðugt at seta tiltøk í verk, sum raka tænastustigið.
Tað sigur Niels Juel Arge, stjóri á Strandferðsluni.
Stovnurin hevði væntað at fáa í minsta lagi 240 milliónir kr. á fíggjarlógini næsta ár til raksturin, men í fíggjarlógaruppskotinum eru bara 230 milliónir settar av.
Niels Juel Arge er stjóri á Strandferðsluni.
Strandferðslan er bundin av sáttmála við arbeiðstakararnar um Bygdaleiðir til 2027, tí verður helst neyðugt at skerja siglingina, sigur Niels Juel Arge.
Trý skip verður tikin úr sigling, men tann sparingin fer ikki at gera mun fyrr enn í 2025, tí uppsagnarlønir skulu gjaldast umframt aðrar eingangsupphæddir.
Strandferðslan fer á fund við fíggjarnevndina í næstu viku.
Hoyr innslag í útvarpstíðindunum:
17112023_Niels_Juel_um_rakstrarjattan
Er kopiera
Nýggjastu sendingar í ÚV
Nýggjastu sendingar í SV
