Sjóvinnustýrið flytur í Vágar í næstu viku

Um eina viku, mikudagin 27. november, flytur Sjóvinnustýrið eftir ætlan í nýggja bygningin á Giljanesi, sum er bygdur til endamálið.

Tað skrivar jn.fo.

Fyri tveimum árum síðani, 30. november í 2021, var fyrsta flagið loyst fyri nýggja bygninginum.

Ætlanin var, at hann skuldi standa klárur í mai í ár, men arbeiðið er seinkað nakað. 

30 milliónir

Bygningurin er umleið 800 fermetrar til støddar, og játtanin er 30 milliónir krónur.

Seinastu seks árini hevur Sjóvinnustýrið hildið til í Havn, men nú flytur tað aftur í Vágar, har tað politiskt var gjørt av, at tað skal vera.

Á Sjóvinnustýrinum arbeiða 20 starvsfólk.