Byggja verjugarðar í Íslandi

Arbeiðið at gera verjugarðar við orkuverkið í Svartsengi, Grindavík og Bláa lónið í Íslandi gongur framá.  

Arbeitt verður allan sólarringin.

Verjugarðarnir skulu eisini verja undirstøðukervið í útsynningspartinum av landinum. 

Fyrsti verjugarðurin er tveir til tríggjar metrar høgur við Sundknúk, Hann er liðugur.

Trý sløg

Talan er um trý sløg av verjugarði:

- byrgingar, sum skulu forða gosbræðingini

- kanalgarðar, sum skulu beina gosbræðingina burtur frá vegum og býnum, og um neyðugt út á sjógv.

- og stórar og djúpar veitir.

Byrgingar ikki so góðar

Byrgingar kunnu eisini gerast, men tær hava víst seg ikki at vera so góðar sum byrgingar, ið stýra gosbræðingini.

Størsti arbeiðstakari í Íslandi á hesum øki ger arbeiðið við 25 til 30 maskinum, sum grava tilfar, grús og lava, og 25 lastbilar koyra tilfarið til byggiplássið.

Arbeiðið at gera verjugarðin á Reykjanesi er eitt av størstu verjuátøkum á landi í søgu Íslands, skrivar íslendska kringvaprið, RÚV.