Níggju milliónir til rættarskipanina í Føroyum

Rættarskipanin í Føroyum verður styrkt við 8,7 milliónum krónum frá 2024 til 2027. 

Sum liður í avtalu millum donsku stjórnina og flokkarnar á Fólkatingi hava fundir eisini verið millum landsstýrismannin í lógarmálum, Bjarna Kárason Petersen, og danska løgmálaráðharran Peter Hummelgaard um at styrkja rættarskipanina í Føroyum. 

Fólkatingslimirnir, Sjúrður Skaale og Anna Falkenberg, hava eisini virkað fyri málinum og verið við á fundum.

Anna Falkenberg, Peter Hummelgaard og Sjúrður Skaale

Báðir føroysku fólkatingslimirnir á fundi við Peter Hummelgaard, løgmálaráðharra.

Raðfesta kunningartøkni

Við nýggju avtaluni, sum viðvíkur fíggjarviðurskiftum hjá øllum dómstólunum, verður meira orka sett av til ávísar avbjóðingar, sum føroyska rættarskipanin hevur havt.

Avtalan tryggjar millum annað eina uppraðfesting í kunningartøkni í sambandi við revsi- og skiftimál.

Samstundis verður tøknilig greining gjørd av tørvum og møguleikum fyri betraðum kunningartøkniligum viðurskiftum í ávísum málum, sum koma fyri í Føroya Rætti.

Ein ætlan við støði í hesi greining skal leggjast fram fyri árslok 2025, skrivar Løgmálaráðið í dag.