Dátueftirlitið: Upplýsingar eiga ikki at fara í skeivar hendur

- Tá ið tú sum myndugleiki hevur fingið upplýsingar um fólk, skalt tú tryggja tær, at tær ikki fara í skeivar hendur. Og júst hetta er feilurin hjá Løgmálaráðnum. 

Tað sigur Tóri Højgaard, stjóri í Dátureftirlitinum, nú tað er komið fram, at Løgmálaráðið hevur latið innsavnaðar undirskriftir hjá Sjálvstýrinum í óviðkomandi hendur. 

Dátueftirlitið hevur fingið fráboðan frá Løgmálaráðnum um trygdarbrot, í sambandi við undirskriftirnar.

Sjálvstýri, sjálvstýri og undirskriftir, Sofus Hansen og Sjálvstýri

Løgmálaráðið útflýggjaði undirskriftirnar, sum Sjálvstýri hevði savnað inn, eftir øllum at døma uttan at hava kannað málið nóg væl,  men í gjár vóru undirskriftirnar latnar Løgmálaráðnum aftur. 

Hoyr innslag í útvarpstíðindunum: 

Nella Festirstein, aðalstjóri í Løgmálaráðnum, vil ikki gera samrøðu, men sigur í stuttari viðmerking, at tey harmast um hendingina, og at tað ikki fer at henda aftur.

Hon sigur eisini, at Løgmálaráðið helt, at tá ið talan var um persón, sum hevði tilknýti til Sjálvstýri, var tað í lagi at útflýggja skjølini. 

John Rajani, løgmansstjóri, vil heldur ikki gera viðmerkingar til málið. 

.