Koronupassið verður dagført

Hóast korona ikki verður mett sum ein farsótt longur, er neyðugt at dagføra koronupassið so hvørt, so tað lýkur altjóða krøv.

Tað hevur fíggjarnevndin hjá løgtinginum fingið at vita frá Heilsumálaráðnum.

Í fjør kostaði koronupassið landskassanum 1,2 milliónir krónur.

Í ár kostar tað eina millión, og biðið er um eina millión í uppskotinum um fíggjarlóg fyri 2024.

Nú umsitur WHO koronupassið. 

Passið fer eisini at umfata aðrar umfarssjúkur. 

Sannlíkt er eisini, at gula koppsetingarskjalið kann talgildast saman við koronupassinum í WHO, sigur Heilsumálaráðið.