Pensjónirnar hækka næsta ár

Fólkapensjónin hækkar næsta ár 260 til 340 kr. um mánaðin. 

Saman við hækkingini í útgjaldinum frá Samhaldsfasta, fáa fólkapensjónistar millum 500 og 600 kr. meira um mánaðin, sigur Almanna- og mentamálaráðið. 

Sostatt fær ein stakur fólkapensjónistur, sum ikki hevur aðra inntøku, 15.520 krónur um mánaðin. 

Fyritíðarpensjónin hækkar 400 til 600 kr. um mánaðin, og hægsta endurgjald fyri mista arbeiðsinntøku hækkar umleið 1.000 krónur,  upp í 26.814 krónur um mánaðin.

Kunngerðin um áseting og javning av almannaveitingum fyri 2024 er nú lýst, og á nýggjárinum hækka pensjónir og aðrar almannaveitingar 3,8 prosent.