Landsroyndirnar vera óbroyttar

- Landsroyndirnar verða ikki broyttar í hesum skúlaárinum.

Tað sigur Djóni Nolsøe Joensen, landsstýrismaður í barna- og útbúgvingarmálaráðið, við Skúlablaðið.

Hann sigur, at arbeiðið við at endurskoða skipanina við royndum og landsroyndum er ikki komið so langt enn, men verður framvegis fyrireikað í fyrisitingini.

- Ætlanin er at hava aðalorðaskifti um fólkaskúlan í løgtinginum beint eftir ársskiftið. Tað er út frá áliti, sum er skrivað um møguligar broytingar í fólkaskúlalógini, sum var handað í mai í ár. Við grundarlagi í hesum verða ætlandi fleiri broytingar gjørdar í fólkaskúlalógini, sigur Djóni Nolsøe Joensen, við Skúlablaðið.