- Tíðindi, mentan og ítróttur
PISA-kanning: Vánaligasta úrslitið í støddfrøði higartil
PISA-kanning: Vánaligasta úrslitið í støddfrøði higartil
Kanningin, sum var gjørd í fjør, var kunngjørd í dag
Poul Geert Hansen, aðalstjóri, og Djóni Nolsøe Joensen, landsstýrismaður í barna- og útbúgvingarmálum, vóru hugsunarsamir, tá úrslitið av PISA-kanningini var kunngjørt seinnapartin.
Mynd: Bjarni Árting Rubeksen
05.12.2023 - 15:13
Føroyskir fólkaskúlanæmingar hava stóra afturgongd í støddfrøði og lesing.
Tað staðfestir nýggjasta PISA-frágreiðingin, sum vísir lakasta og vánaligasta úrslitið higartil.
Í støddfrøði fingu føroysku fólkaskúlanæmingarnir 446 PISA-stig í miðal. Tað er lakasta føroyska úrslitið higartil. Afturgongdin er 45 stig samanborið við úrslitið í 2018.
Skelkandi úrslit
Sambært frágreiðingini er føroyska PISA-úrslitið í støddfrøði skelkandi.
Miðal PISA-stigið hevur ikki verið lægri, og ørkymlandi er eisini, at meiri enn triði hvør næmingur hevur ikki støddfrøðiligu førleikarnar, sum skulu til fyri at virka fult og heilt í nútíðarsamfelagum.
Bólkurin, sum hevur staðið fyri frágreiðingini, sigur, at úrslitið eigur at vera tikið í álvara.
Frá framløguni av PISA-kanningini í Kongshøll seinnapartin. (Mynd: Bjarni Árting Rubeksen)
Eisini í Danmark
Í Danmark er afturgongdin eisini stór. Úr 509 niður í 489 PISA-stig, sum eisini er lakasta úrslit hjá dønum higartil.
Hóast ringa úrslitið hjá dønum, so fáa danir besta úrlitið samanborið við hini Norðurlondini í 2022.
Les alla kanningina her.
Meiri verður at frætta í útvarpstíðindunum klokkan 18.
Sí framløguna av PISA-kanningini her:
Er kopiera
Nýggjastu sendingar í ÚV
Nýggjastu sendingar í SV
