40 mál skrivað í ferðslukanning í Suðuroy

Mánadagin og í gjár gjørdi politiið ferðslukanningar í Suðuroynni.

Mánadagin vóru skrivað 21 mál, og 20 vóru skrivað í gjár.

Ferðslukanningar vera eisini gjørdar í Suðuroynni í dag.

Slitin dekk

Bilførarar vóru skrivaðir fyri millum annað ikki at hava koyrikortið við sær, fyri at koyra við slitnum dekkum ella summardekkum í hálkuni.

Reglur eru eisini um píkadekk. Størri munur enn 25 prosent má ikki vera á tí dekkinum, sum hevur flestar píkar, og tí, sum hevur fæstar píkar.

Eisini vera tey skrivað, sum ikki brúka trygdarbelti ella brúka telefon, meðan tey koyra.